Juleavslutning 10. desember 2019

Godt frammøte (ca. 40) på den tradisjonelle juleavslutninga med gløgg, graut, kaffi og masse gode kaker, dans og god stemning. Grauten var så god at fleire forsynte seg både to og tre gonger. Som vanleg var der fleire som vi ikkje ser så ofte på tysdagskveldane. Det er alltid gildt. Underteikna sakna quiz, og eventyr ved Per Harald.
Stor takk til komitéen (Alv Reidar (kjøkemeister), Anne-Lise, Anne Tove, Bjørg, Hogne, Rune, Tore) som hadde laga det så fint til for at vi alle skulle få ein triveleg førjulskveld.

Komitéen hadde også ansvar for leiing av dansen. Musikken sytte som vanleg Solvor for. Også i år forsterka med Terje Amundsen på trekkspel.

Under kaffipausen takka leiar Ingjerd for året som har gått, spesielt Solvor og Dagfinn for musikk og instruksjon, og ønskte alle ei god jul.

Takk for ein fin kveld!

Tekst og foto: Dagfinn Aa ©, nokre foto av Tone Eid © og Hogne Tellnes ©